தேவாரப் பாடல் பெற்ற சிவத்தலம். சம்பந்தப் பெருமான் எலும்பைப் பெண்ணாக்கிய தலம். அம்பிகை மயில் வடிவில் இறைவனை வழிபட்டதால் மயிலாப்பூர் என்று அழைக்கப்படுகிறது. வெளிப் பிரகாரத்தில் முருகப்பெருமானுக்கு தனி சன்னதி உள்ளது. தனி கொடிமரமும் உள்ளது. வள்ளி, தெய்வானையுடன் குமரக்கடவுள் காட்சி தருகிறார்.

மூவர் தேவாரம் பெற்ற சிவத்தலம். சிவபெருமான் புற்று வடிவில் காட்சி தருகின்றார். அதனால் அவருக்கு புனுகு சாத்தி கவசம் அணிவிக்கப்பட்டுள்ளது. கார்த்திகை மாதம் பௌர்ணமி நாளில் இருந்து மூன்று நாட்கள் இறைவனை கவசம் இல்லாமல் தரிசனம் செய்ய முடியும். சுந்தரருக்கும் சங்கிலி நாச்சியாருக்கும் நடந்த திருமணத்திற்கு சிவபெருமான் மகிழ மரத்தடியில் வந்து சாட்சி சொன்ன தலம். உறுதிமொழியை மீறியதால் சுந்தரர் கண்பார்வை இழந்தார். முருகப்பெருமான் பாலசுப்ரமணியராக தனி சன்னதியில் காட்சி தருகிறார். பட்டினத்தார் முக்தி பெற்ற தலம். மாசி மாதம் நடைபெறும் பிரம்மோற்சவம் சிறப்பு வாய்ந்தது.

தேவாரப்பாடல் பெற்ற சிவத்தலம். சிவபெருமான் சுயம்பு வடிவில் காட்சி அளிக்கிறார். காமதேனு பால் சுரந்து அபிஷேகம் செய்த தலம். பாம்பன் சுவாமிகள் சமாதி சற்றுத் தொலைவில் உள்ளது.

இராமபிரானின் மகன்களான லவன், குசன் இருவரும் பூசித்த தலம்.

தேவாரப் பாடல் பெற்ற சிவத்தலம். பரத்துவாஜ முனிவர் வலியன் என்னும் கருங்குருவியாக வந்து வழிபட்டமையால் திருவலிதாயம் என்று பெயர் பெற்றது. சுற்றுப் பிரகாரத்தில் முருகப்பெருமான் சன்னதி உள்ளது.

மூலவரான சிவலிங்கத்திற்கு பின்புறம் சிவபார்வதியின் திருவுருவச்சிலை உள்ளது. தேவாரப் பாடல் பெற்ற தலம். வெளிப்பிரகாரத்தில் முருகப்பெருமான் சந்நிதி உள்ளது.

முருகப்பெருமான் இருகரங்களுடன் தனியாக கிழக்கு நோக்கி காட்சி தருகின்றான். பங்குனி உத்திரப் பெருவிழா சிறப்பாகக் கொண்டாடப்படுகிறது.

குமரக்கடவுள் பாலசுப்ரமணியனாக, அபய கரத்துடன் கிழக்கு நோக்கி காட்சி அளிக்கின்றான்.

தேவாரப் பாடல் பெற்ற சிவத்தலம். சிவபெருமானின் ஐந்து சபைகளில் இது இரத்தின சபை. காரைக்காலம்மையாருக்கு சிவபெருமான் திருநடனக் காட்சி தந்து முக்தி அருளிய தலம்.

முருகப்பெருமானின் ஆறுபடை வீடுகளில் ஐந்தாவதாகக் குறிப்பிடப்படுகிறது. திருப்புகழில் குன்றுதோறாடல் என்பது இத்தலத்தையும் குறிக்கும். இத்தலத்தில் முருகப்பெருமான் வள்ளியை மணம் புரிந்து அருளினார். இந்த மலை 400 அடி உயரம் உள்ளது. மொத்தம் 365 படிக்கட்டுகள் உள்ளது. இவை ஒரு வருடத்தின் மொத்த நாட்களைக் குறிக்கின்றது.

மூலவர் தமது இடக்கரத்தை தொடைமீது வைத்து வலக்கரத்தில் வேலினை தாங்கி காட்சி அளிக்கிறார். இத்தலத்தில் ஆடிக்கிருத்திகை உற்சவமும், ஒவ்வொரு ஆண்டும் டிசம்பர் 31ஆம் தேதி படி உற்சவமும் சிறப்பாகக் கொண்டாடப்படுகிறது.

இத்திருக்கோயிலில் கந்த சஷ்டித் திருவிழாவில் சூரசம்ஹாரம் நடைபெறுவதில்லை.

முருகப்பெருமான் குமரக்கடவுளாக எழுந்தருளிய தலம். எனவே குமரக்கோட்டம் என்று அழைக்கப்படுகிறது. ஏகாம்பரநாதர் திருக்கோயிலுக்கும், காமாட்சி அம்மன் திருக்கோயிலுக்கும் இடையில் சோமாஸ்கந்த மூர்த்தியாக காட்சி தருகின்றார். இத்தலத்தில் முருகப்பெருமான் பிரதிஷ்டை செய்த இலிங்கம் தேவசேனாதிபதீச்சரலிங்கம் என்ற பெயருடன் விளங்குகின்றது. கச்சியப்பர் இயற்றிய கந்தபுராணம் இந்த தலத்தில்தான் அரங்கேற்றம் செய்யப்பட்டது.

வைகாசி விசாக பிரம்மோற்சவமும், கந்தர் சஷ்டிப் பெருவிழாவும் முக்கிய திருவிழாக்கள்.

இத்தலத்தில் முருகப்பெருமான் ஒருமுகமும், நான்கு கரங்களுடனும் காட்சி தருகின்றார். அவரது இருபுறமும் வள்ளிநாயகியும், தெய்வநாயகியும் தரிசனம் தருகின்றனர்.

முருகப்பெருமான் வள்ளி, தெய்வானை சமேதராய் 6 அடி உயரத்தில் காட்சியளிக்கின்றார். இக்கோயிலில் தேவேந்திரனால் உருவாக்கப்பட்ட வஜ்ஜிர தீர்த்தம் பாபத்தைப் போக்கும் புனித தீர்த்தமாக உள்ளது.

முருகப்பெருமான் வள்ளி தெய்வானையுடன் சுயம்பு மூர்த்தியாக கந்தசுவாமி என்ற பெயருடன் காட்சியளிக்கிறார்.

தேவாரப் பாடல் பெற்ற சிவபெருமானின் தலமாகும். முருகப்பெருமானுக்குத் தனி சன்னதி உள்ளது. இங்குள்ள சங்கு தீர்த்தத்தில் 12 ஆண்டுகளுக்கு ஒருமுறை சங்கு பிறக்கின்றது.

இங்கு முருகப்பெருமான் பாலசுப்ரமணிய சுவாமி என்ற பெயருடன் ஒரு திருமுகமும், நான்கு திருக்கரங்களும் கொண்டு கிழக்கு முகமாகக் காட்சி தருகிறார். இப்பெருமானின் திருமார்பில் ருத்ராட்சமணி மாலைகளும், திருக்கரங்களில் நாகாபரணமும், திருச்செவிகளில் குண்டலங்களுடன், சடைமுடியும் கொண்டு காட்சி தருகிறார்.

இத்தலத்தில் மூலவராக உள்ள சிவபெருமான் அகத்தீஸ்வரர் என்னும் திருநாமத்துடனும், அம்பிகை அகிலாண்டேஸ்வரி என்னும் திருநாமத்துடனும் காட்சி தருகின்றனர்.

வியாக்ரபாதருக்கு நடராஜப்பெருமான் தனது நடனக்கோலத்தைக் காண்பித்தத் தலமாதலால் மேற்கண்ட பெயர்களால் வழங்கப்படுகிறது. அருணகிரிநாதர் தனது இரண்டு திருப்புகழ்ப் பாடல்களில் வடசிற்றம்பலம் என்று பாடுகிறார்.

மற்றொரு திருப்புகழ்ப் பாடலில் குறிப்பிடும் கோயில் மதுராந்தகம் பேருந்து நிலையத்துக்கு அருகில் உள்ளது. ஆகவே, இரண்டு தலங்களையும் சேர்த்து வணங்கி முருகப்பெருமானின் அருளைப் பெறலாம்.

முருகப்பெருமான் வள்ளி தெய்வானையுடன் கிழக்கு நோக்கி காட்சி அளிக்கின்றான். தைப்பூசம், பங்குனி உத்தரம் போன்ற விழாக்கள் சிறப்பாகக் கொண்டாடப்படுகின்றன.

இத்தலத்தில் முருகப்பெருமான் பிரம்மசாஸ்தாவாக ஒரு கையில் ருத்ராட்ச மாலையுடனும், மறுகையில் கமண்டலத்துடனும், வள்ளி தெய்வானையுடன் காட்சி தருகிறார்.

நாமக்கல்லுக்கு அருகே உள்ள “நைனாமலை” என்ற மலையே ஞானமலை என்றும் சிலர் கூறுவர்.

இவ்வூரில் தற்போது முருகன் கோயில் எதுவும் உள்ளது. சில ஆண்டுகளுக்கு முன் ஒரு குளம் வெட்ட தோண்டியபோது முற்காலத்தில் கோயில் ஒன்று இருந்ததற்கான சில குறிப்புகள் இருந்ததாகக் கூறுகின்றனர். ஆனால் பாறைகள் அதிகம் இருந்ததால் மேற்கொண்டு அங்கு தோண்ட முடியவில்லை.

இத்தலத்தில் முருகப்பெருமான் வள்ளி தெய்வானையுடன், ஒருமுகமும், நான்கு கரங்களும் கொண்டு காட்சி தருகின்றார்.

தேவாரப் பாடல் பெற்ற சிவத்தலம். இத்தலத்தில் சிவபெருமானுக்கு எதிரே உள்ள நந்தி எதிர்த்திசையில் திரும்பி உள்ளார்.

இங்கு முருகப்பெருமான் வள்ளி தெய்வானையுடன் காட்சி அளிக்கிறார்.

வள்ளி நாயகியார் அவதரித்த தலம். இந்த மலையில்தான் முருகப்பெருமான் வள்ளியை மணம் புரிந்தார். மலை மீது வள்ளி சுனை என்ற தீர்த்தம் உள்ளது. மலையில் சிறிது தூரம் சென்றால் வள்ளிமலை சுவாமிகள் ஆசிரமம் உள்ளது. மலை மேல் செல்ல 471 படிகள் உள்ளது.

விரிஞ்சன் என்பது பிரமதேவனின் மற்றொரு பெயர். பிரம்மதேவனால் பூசிக்கப்பெற்ற சிவத்தலம்.

இத்தலத்தில் சிவபெருமான் தேவர்களுக்கும் முனிவர்களுக்கும் வேதத்தின் உட்பொருளை ஓதி உணர்த்தியதால் திருவோத்தூர் என்று அழைக்கப்படுகிறது. திருஞானசம்பந்தர் தமது அருட்பாடலினால் ஆண் பனையை, பெண்பனையாக மாற்றிய தலம். கொடிமரத்தின் முன் நின்று ஒரே சமயத்தில் பஞ்சமூர்த்திகளையும் வணங்கும் அற்புத அமைப்பைக் கொண்ட தலம்.

தேவாரப் பாடல் பெற்ற சிவத்தலம். பஞ்சபூதத் தலங்களில் நெருப்புத் தலமாகும். இத்தலத்தில் கிழக்குப் பக்கத்தில் உள்ள வல்லாள கோபுரத்தின் வடபுறத்தில் முருகப்பெருமான் “கம்பத்து இளையனார்” என்ற திருப்பெயருடன் காட்சி தருகிறார். இந்த கோபுரத்தின் மீது ஏறி உயிரை விடத் துணிந்த அருணகிரிநாதரை குமரக் கடவுள் தடுத்தாட்கொண்டார். “முத்தைத்தரு பத்தித் திருநகை” என்று அடிஎடுத்துக் கொடுத்து திருப்புகழைப் பாடச் செய்தார். வண்ணச்சரபம் தண்டாபாணி சுவாமிகள் பூசித்து வந்த வேல் மற்றும் சேவற் கொடி போன்றவற்றை முருகப்பெருமான் அணிந்து காட்சி தருகின்றார்.

இத்தலத்தில் முருகப்பெருமான் மயில்மீது அமர்ந்து ஒருமுகமும், நான்கு கரங்களுடனும் காட்சி தருகின்றார்.

இங்கு முருகப் பெருமான் வள்ளி தெய்வானையுடன் காட்சி தருகிறார்.

திருச்செந்தூரில் சூரசம்ஹாரத்திற்குப் பின் சூரபத்மன் முருகப்பெருமானிடம் தன்னை வாகனமாக ஏற்க வேண்டினான். அதற்கு முருகப்பெருமான், இந்தத் தலத்தில் மயில் வடிவில் தவம் புரியும்படி அருளினார். அதன்படி சூரபத்மன் இங்கு தவம் புரிந்து முருகப்பெருமானுக்கு மயிலாக மாறினான். அதனால் இத்தலம் மயிலம் என்று அழைக்கப்படுகிறது.

தேவாரப் பாடல் பெற்ற சிவத்தலம். மூலஸ்தான சிவலிங்கம் 3 முகங்களை உடையவர். வக்கிராசுரன் என்ற அரக்கனோடு திருமால் போர் புரிந்தபோது, சக்கரத்தை அசுரன் தன் பல்லில் பிடித்துக்கொள்ள திருமால் கூத்தாடி சக்கரத்தைத் திரும்பப் பெற்று அவனைக் கொன்ற தலம். அசுரன் இறந்தபோது அவன் உதிரம் பூமியில் படாதபடி தன் நாக்கை நீட்டி உறிஞ்சிய காளியின் உருவச்சிலை கோயிலில் உள்ளது.

தேவாரப் பதிகம் பெற்ற சிவத்தலம். காமதேனு பூசித்து அருள் பெற்ற தலம். பிரகாரத்தில் ஒரு வட்டப் பாறை உள்ளது. இதனிடம் சென்று சத்தியப் பிரமாணம் செய்வது அக்கால வழக்கம்.

தேவாரப் பாடல் பெற்ற சிவத்தலம். சிவபெருமானின் அட்ட வீரட்டத்தலங்களில் ஒன்று. அந்தகாசுரனை அழித்த தலம். சிவபெருமானுக்கும், அம்பிகைக்கும் தனித்தனி கோயில்கள் அருகருகே அமைந்துள்ளது.

தேவாரப் பாடல் பெற்ற சிவத்தலம். சிவபெருமான் சுந்தரரை தடுத்தாட்கொண்ட தலம். தேவர்கள் வேண்டுகோளுக்கிணங்க முருகப்பெருமான் மயில் மீது நடனம் புரிந்த தலம். சிவஞான போதம் அருளிய மெய்கண்ட தேவர் வாழ்ந்த தலம்.

தேவாரப் பாடல் பெற்ற சிவத்தலம். சுந்தரமூர்த்தி சுவாமிகள் அவதரித்த தலம்.

தேவாரப் பாடல் பெற்ற சிவத்தலம். சிவபெருமானின் அம்சமாகிய வயிரவர் பூசித்த தலம். இத்தலத்தில் உள்ள முருகப்பெருமான் திருவுருவம் அழகு வாய்ந்தது.

தேவாரப் பாடல் பெற்ற சிவத்தலம். அட்ட வீரட்டங்களில் ஒன்று சிவபெருமான் திரிபுர சம்ஹாரம் செய்த தலம். திருநாவுக்கரசர் உழவாரத் தொண்டு புரிந்த தலம்.

புலிக்கால் முனிவரான வியாக்ரபாதர் வழிபட்ட தலம். ஐந்து புலியூர் தலங்களுள் ஒன்று. திருநாவுக்கரசரை சமணர்கள் கல்லில் கட்டி கடலில் தள்ளிவிட, அவர் “சொற்றுணை வேதியன்” என்ற நமச்சிவாயப் பதிகம் பாடி கரையேறிய தலம். அவர் கரையேறிய இடம் “கரையேற விட்ட குப்பம்” என்று அழைக்கப்படுகிறது. அகத்தியர், உபமன்யு முனிவர், அக்கினி ஆகியோர் வழிபட்ட தலம். சாபத்தினால் முடமான கால் உள்ள முயலாக மாறிய மங்கணர் என்னும் முனிவர் சாபம் நீங்கப் பெற்ற தலம்.

தேவாரப் பாடல் பெற்ற சிவத்தலம். திருமால் மகாபலிச் சக்கரவர்த்தியை அழித்த தோஷம் தீர இத்தலத்தில் வந்து வழிபட்டார்.

இத்தலத்தில் முருகப்பெருமான் வள்ளி தெய்வானையுடன் காட்சி தருகிறார்.

அகத்தியர் வழிபட்ட தலம். சுந்தரர் தன் மனைவி பரவையாருக்காகப் இறைவனிடம் பொன் வேண்டிப் பெற்று இங்குள்ள மணிமுத்தாறு நதியில் போட்டு இறைவன் அருளால் அவற்றை திருவாரூர் கோயில் குளத்தில் எடுத்தார். இத்தலத்தில் இறக்கும் உயிர்களின் வலது காதில் சிவபெருமான் பஞ்சாட்சர உபதேசம் செய்தருளுகிறார் என்பது ஐதீகம்.

இங்கு முருகப்பெருமான் ஆறுமுகனாக பன்னிரு கரங்களுடன், வள்ளி தெய்வானையுடன் மயில்மீது அமர்ந்து கிழக்கு திசை நோக்கி காட்சி தருகின்றார்.

இத்தலத்தில் முருகப்பெருமான் வள்ளி தெய்வானையுடன், ஒருமுகமும், நான்கு கரங்களும் கொண்டு காட்சி தருகின்றார்.

தேவாரப் பாடல் பெற்ற சிவத்தலம். கடம்ப மரங்கள் அதிகம் இருந்ததால் கடம்பூர் என்று அழைக்கப்படுகிறது. முருகப்பெருமான், இந்திரன், செவ்வாய் ஆகியோர் வழிபட்ட தலம். “என்கடன் பணி செய்து கிடப்பதே” என்று அப்பர் பாடிய தலம்.

மணிமுத்தாறு நதியும், நிவாநதியும் சேர்வதால் கூடலையாற்றூர் என்று அழைக்கப்படுகிறது. இங்கு முருகப்பெருமான் ஆறுமுகனாக பன்னிரு கரங்களுடன், வள்ளி தெய்வானையுடன் மயில்மீது அமர்ந்து கிழக்குதிசை நோக்கி காட்சி தருகின்றார்.

தேவாரப் பாடல் பெற்ற சிவத்தலம். சிவபெருமான் அர்ச்சுனனுக்கு வேடனாகக் காட்சி அளித்து பாசுபதாஸ்திரம் தந்த தலம். சிவபெருமான் வேடனாக வந்ததை அறியாமல் அர்ச்சுனன் அவரை வில்லால் அடித்ததால் லிங்கத்தின் தலையில் ஒரு பள்ளம் உள்ளது.

தேவாரப் பாடல் பெற்ற சிவத்தலம். மூலஸ்தானத்தில் லிங்கத்தின் பின்புறம் சிவபெருமான் பார்வதியுடன் காட்சி அளிக்கிறார்.

பஞ்சபூதத் தலங்களுள் ஆகாயத்தலமாகும். தேவாரப் பாடல் பெற்ற தலம். சிவபெருமான் ஆனந்த தாண்டவ மூர்த்தியாக நடராசர் வடிவில் காட்சி தருகின்றார். சிறப்பு பல பெற்ற இத்தலத்தில் முருகப்பெருமான் அருள்புரிகின்றார்.

தேவாரப் பாடல் பெற்ற சிவத்தலம். திருஞானசம்பந்தப் பெருமான் அவதரித்த தலம். அசுரர்கள் கொடுமை கண்டு அஞ்சி தேவர்கள் முருகப்பெருமான் அவதாரத்தை வேண்டிய தலம்.

தேவாரப் பாடல் பெற்ற சிவத்தலம். பிரமன், சூரியன், சந்திரன் ஆகியோர் வழிபட்ட தலம். முனிவர்களின் வேண்டுகோளுக்கு இணங்கி சிவபெருமான் நடனம் செய்தருளிய தலம்.

இங்கு முருகப்பெருமான் மேற்கு முகமாக சிவலிங்க வடிவில் காட்சி தருகிறார். முருகப்பெருமான் சிவலிங்க வடிவில் காட்சித் தருவது இத்தலத்தில்தான்.

இத்தலம் ‘புள்ளிருக்கு வேளூர்’ என்றும் அழைக்கப்படும். இத்தலத்தில் சிவபெருமான் சகல நோய்களையும் தீர்ப்பவனாக வைத்தீஸ்வரன் என்ற பெயருடனும், உமாதேவியார் தையல் நாயகி என்ற பெயருடனும் காட்சியளிக்கின்றனர். இத்தலம் தேவாரப் பாடல் பெற்ற தலமாகும். ஒன்பது நவக்கிரகத் தலங்களில் செவ்வாய்க்குரிய பரிகாரத் தலமாக விளங்குகிறது. இராமாயணத்தில் இராமபிரானுக்கு உதவி புரியும் ஜடாயு இத்தலத்தில் தான் மோட்சம் அடைந்தது. தல விருட்சம் வேப்ப மரம்.

வாகை மரம் இத்தலத்தின் தலவிருட்சமாக இருப்பதால் ‘வாகைமாநகர்’ என்று அழைக்கப்பட்டது. மகாவித்வான் மீனாட்சிசுந்தரம் அவர்கள் எழுதிய தலபுராணத்தில் இந்தத் தலத்தை ‘வாகைமாநகர்’ என்று குறிப்பிடுகிறார். தேவாரப் பாடல் பெற்ற சிவத்தலம்.

தேவாரப் பாடல் பெற்ற சிவத்தலம். பிரமன், பஞ்சபாண்டவர்கள் வழிபட்ட தலம்.

முருகப்பெருமான் வள்ளி தெய்வானையுடன் கிழக்கு நோக்கி நின்ற கோலத்தில் காட்சி அளிக்கின்றான். பங்குனி உத்திரம், சித்ரா பௌர்ணமி ஆகிய விழாக்கள் சிறப்பாகக் கொண்டாடப்படுகின்றன.

தேவாரப் பாடல் பெற்ற சிவத்தலம். காசிக்குச் சமமான ஆறு முக்தித் தலங்களில் ஒன்று. திருவெண்காடு, திருவிடைமருதூர், திருவையாறு, ஸ்ரீவாஞ்சியம், திருச்சாய்க்காடு ஆகியவை மற்றத் தலங்கள். அம்பிகை மயில் வடிவம் கொண்டு ஆடிய தலம். மயில் வடிவம் நீங்கி அம்பாள் செய்த பிரார்த்தனைக்கு இணங்கி சிவபெருமான் இத்தலத்தில் ஆடிய நடனம் கௌரி தாண்டவம் என்று பெயர்.

தேவாரப் பாடல் பெற்ற சிவத்தலம். உத்தாலமரம் தலவிருட்சம் ஆதலால் அது மருவி ‘குத்தாலம்’ என்று ஆனது. காவிரி ஆற்றுக்கிடையே இருந்ததால் ‘திருத்துருத்தி’ என்று அழைக்கப்பட்டது. சுந்தரமூர்த்தி நாயனார் இத்தலத்தில் உள்ள குளத்தில் நீராடிய பின்னர் அவரது உடற்பிணி தீர்ந்தது.

தேவாரப் பாடல் பெற்ற சிவத்தலம். கயிலாயத்தில் உமாதேவியார் பந்து விளையாடிக் கொண்டிருந்தபோது தான் வந்ததை கவனிக்காததால் சிவபெருமான் கோபமுற்று உமாதேவியாரை பசுவாகப் போகுமாறு சபித்தார். அவர் கோபத்தில் உதைத்த பந்து விழுந்த இடம் பந்தணைநல்லூர் என்று பெயர் பெற்றது. உமாதேவியார் பசு வடிவில் பூசித்த தலம். இத்தலத்தில் நவக்கிரகங்கள் ஒரே வரிசையில் காட்சி அளிக்கின்றனர்.

தேவாரப் பாடல் பெற்ற சிவத்தலம். பசு வடிவில் உமாதேவி பூசித்ததால் ஆவடுதுறை என்று பெயர் பெற்றது. இத்தலத்தில் உள்ள ரிஷபம் பெரிய வடிவம் உடையது. இத்தலத்தில் பல அரச மரங்கள் உள்ளது. அதனால் “படர்ந்த அரசு வளர்ந்த ரிஷபம்” என்ற பழமொழி இங்கே வழக்கத்தில் உள்ளது.

இது ஒரு மாடக்கோயில். தேவாரப் பாடல் பெற்ற சிவத்தலம். இத்தலத்தில் சிவபெருமான், உமாதேவியாருடன் முருகப்பெருமான் காட்சி அளிக்கின்றார்.

சிவபெருமானின் அட்ட வீரட்டத் தலங்களில் ஒன்று. மார்க்கண்டேயருக்காக சிவபெருமான் எமனை உதைத்த தலம். இத்தலத்தில் உள்ள காலசம்காரமூர்த்தி சிறப்பு பெற்றவர். அமாவாசையை பவுர்ணமி என்று கூறிய அபிராமி பட்டருக்காக உமாதேவியார் நிலவு காட்டிய தலம். அபிராமி பட்டர் பாடிய பாடல்கள் அபிராமி அந்தாதி எனப்படுகிறது. தேவாரப் பாடல் பெற்ற தலம். சிறப்பு மிக்க இத்தலத்தில் முருகப்பெருமான் அருள்பாலிக்கின்றார்.

மூலவர் பாலமுருகனாக கிழக்கு நோக்கி தரிசனம் அளிக்கிறார். மூலவருக்குப் பின்புறம் லிங்கமும், முன்புறம் ஸ்படிக லிங்கமும் உள்ளன. தெய்வானைக்குத் தனி சன்னதி உள்ளது. குமரக்கடவுள் திருக்குரா மரநிழலில் எழுந்தருளியுள்ளார்.

தேவாரப் பாடல் பெற்ற சிவத்தலம். சப்த விடங்கத் தலங்களுள் ஒன்று. புண்டரீக முனிவரைக் சிவபெருமான் காயத்தோடு ஆரோகணம் செய்து கொண்டமையால் காயாரோகணம் அல்லது காரோணம் என்ற பெயர் ஏற்பட்டது. சுந்தரர் இறைவனை வேண்டி பொன் பெற்ற தலம். அதிபத்த நாயனார் பிறந்த தலம்.

இத்தலத்தில்தான் உமாதேவியிடம் வேல் பெற்று திருச்செந்தூரில் சூரபத்மனை வதம் செய்தார். எனவே இங்கு சிங்காரவேலனாகக் காட்சி தருகிறார். இத்தலத்தில் உற்சவருக்கே சிறப்பு. கந்தர் சஷ்டி பெருவிழாவின்போது முருகப் பெருமான் திருமேனியில் வியர்வை கசிய காட்சி தருகிறார்.

தேவாரப் பாடல் பெற்ற சிவத்தலம். வலியன் என்ற கருங்குருவி வழிபட்டதால் வலிவலம் என்ற பெயர் பெற்றது. இத்தலம் ஒரு மாடக்கோயில்.

இத்திருக்கோயிலின் தலவிருட்சம் எட்டி மரம். எனவே, அப்பெயராலேயே ‘எட்டிகுடி’ என்று அழைக்கப்படுகிறது.

தேவாரப் பாடல் பெற்ற சிவத்தலம். சப்த விடங்கத் தலங்களுள் ஒன்று. வேதங்கள் பூசை தலமாதலால் ‘மறைக்காடு’ என்று பெயர் பெற்றது. இராவணனைக் கொன்றதால் ஏற்பட்ட பாவத்தைப் போக்கிக் கொள்ள இராமபிரான் இத்தலத்தில் உள்ள ஆதிசேது தீர்த்தத்தில் நீராடி, சிவபூசை செய்தார். வேதங்கள் பூசை செய்து மூடிச்சென்ற கதவுகளைத் திறக்கவும், பின்பு மூடவும் திருஞானசம்பந்தரும், அப்பரும் பாடிய தலம். மூலவருக்குப் பின்னால் சிவபெருமான் திருமணக் கோலத்தில் காட்சி தருகிறார். இத்தலத்தில் உள்ள துர்க்கை மிகச் சக்தி வாய்ந்தவர்.

தேவாரப் பாடல் பெற்ற சிவத்தலம். பாற்கடலில் இருந்து கிடைத்த அமிர்தத்தைத் தேவர்கள் பருகியபின் மீதியை வாயுதேவனிடம் கொடுக்க, அவர் அதை எடுத்துக் கொண்டு ஆகாய வழியாகச் செல்லும்போது அது இத்தலத்தில் விழுந்து லிங்கரூபமாகத் தோன்றியது. எனவே, இத்தலத்தில் சிவபெருமான் அமிர்தகடேஸ்வரர் என்று அழைக்கப்படுகிறார்.

தேவாரப் பாடல் பெற்ற இத்தலத்தில் சிவபெருமான் தியாகராசர் என்ற பெயருடன் அருள் பாலிக்கின்றார். உமையம்மை கமலாம்பிகை என்ற பெயருடன் காட்சி தருகின்றார். கமலாலயம் என்ற மிகப்பெரிய குளம் உள்ளது. திருவாரூர் தேர் பெரியது. முருகப்பெருமான் இத்தலத்தில் காட்சி தருகின்றார்.

தேவாரப் பாடல் பெற்ற சிவத்தலம். அட்ட வீரட்டத் தலங்களுள் ஒன்று. சலந்தரனைச் சிவபெருமான் வதம் செய்த தலம்.

விநாயகப் பெருமான் கஜமுகாசுரன் என்ற அசுரனை அழித்தபோது, அவன் உடம்பிலிருந்து வெளிப்பட்ட இரத்தம் அந்த இடம் முழுவதும் பரவியதால் செங்காடு என்று பெயர் பெற்றது. இங்கு விநாயகப் பெருமான் அத்தி மரத்தின்கீழ் பூசித்த சிவலிங்கம் உள்ளது.

இத்தலத்தில் முருகப்பெருமான் ஒரு முகமும், நான்கு கரங்களும், நின்ற கோலத்தில் கிழக்கு நோக்கி காட்சி தருகின்றார். அவரது இருபுறமும் வள்ளி, தெய்வானை இருவரும் காட்சி தருகின்றனர்.

தேவாரப் பாடல் பெற்ற சிவத்தலம். கோட்செங்கட்சோழனால் கட்டப்பட்ட மாடக்கோயில். பிரமன் அன்னவடிவம் கொண்டு வழிபட்ட தலம்.

தெய்வானை முருகப் பெருமானை மணக்க விரும்பி தவம் புரிந்த இடம் இது. அதன்படி முருகப்பெருமான் தெய்வானையைத் திருப்பரங்குன்றத்தில் திருமணம் புரிந்து அருளினார். மூலவர் வள்ளி தெய்வானையுடன் காட்சி அளிக்கிறார்.

இத்தலத்தில் சிவபெருமான் திருவாஞ்சிநாதர் எனவும், இறைவி மங்களநாயகி எனவும் வணங்கப்படுகின்றனர். ஆறுமுகப்பெருமான் இத்தலத்தில் பன்னிரு கரங்களுடன் வள்ளி, தெய்வானை சமேதராய் மயில்மீது அமர்ந்த கோலத்தில் கிழக்கு நோக்கி காட்சி தருகின்றார்.

தேவாரப் பாடல் பெற்ற சிவத்தலம். வீழிச்செடிகள் நிறைந்திருந்த காரணத்தால் ‘வீழிமிழலை’ என்று பெயர் பெற்றது. திருமால் சக்கரம் பெற வேண்டி இங்குள்ள இறைவனை ஆயிரம் மலர்களால் பூஜை செய்யும்போது ஒரு மலர் குறைவாக இருப்பதைக் கண்டு தம் கண்ணையே பெயர்த்து மலராகச் சாத்தி வழிபட்டார். சிவபெருமான் காட்சி திருமாலுக்கு சக்கரத்தையும், கண்ணையும் அளித்தார். மூலவருக்குப் பின்புறம் இறைவன் திருமணக் கோலத்தில் காட்சி தருகிறார். பஞ்சம் வந்தபோது திருஞானசம்பந்தருக்கும், அப்பருக்கும் இறைவன் படிக்காசு தந்து அவர்கள் மூலமாகச் சிவனடியார்களுக்கு அன்னம் படைத்த தலம். இத்தலத்தில் உள்ள வெளவால் நத்தி மண்டபம் சிறந்த வேலைப்பாடுகள் கொண்டது.

இத்தலத்தில் ஆறுமுகப் பெருமான் வள்ளி தெய்வானையுடன் மயில் மீதமர்ந்து காட்சியளிக்கிறார். இத்திருக்கோயிலின் தலவிருட்சம் வன்னி மரமாகும்.

தஞ்சாவூரைத் தலைநகராகக் கொண்டு ஆண்ட முத்தரசசோழன் முருகப்பெருமானுக்கு கோயில் நிர்மாணிக்க விரும்பினான். ஒரு சிற்பியை அழைத்து சிலையை வடிக்க உத்தரவிட்டான். சிற்பி ஆறு திருமுகங்களுடன் மயில்மீது வள்ளி தெய்வானையுடன் அமர்ந்த கோலத்தில் சிலையை வடித்தான். அதன் அழகைக் கண்ட மன்னன் இதேபோல் வேறு யார்க்கும் செய்யக்கூடாது என்று எண்ணி அந்தச் சிற்பியின் கட்டை விரலை துண்டித்தான். சிற்பி இறைவனின் திருவருளால் எட்டிக்குடியில் இன்னொரு சிற்பத்தைச் செதுக்கினான். அதனால் மன்னன் கோபமடைந்து சிற்பியின் கண்களைக் குருடாக்குமாறு உத்தரவிட்டான். அந்த நிலையிலும் சிற்பி முருகப் பெருமானின் சிலையை வடித்தான். ஆறுமுகப் பெருமானின் கருணையினால் இழந்த கட்டை விரலையும், கண்கள் இரண்டையும் பெற்றான். எனவே இத்தலத்திற்கு ‘எண்கண்’ என்ற திருப்பெயர் ஏற்பட்டது.

தேவாரப் பாடல் பெற்ற சிவத்தலம். கருடன் தன் தாயை அடிமைத்தனத்திலிருந்து விடுவிக்க தேவலோகத்திலிருந்து அமிர்தம் கொண்டு வந்து இத்தலத்தில் உள்ள ஒரு புற்றின்மீது வைக்க, புற்றுக்குள் இருந்த சிவபெருமான் அந்தக் குடத்தை உள்ளே இழுத்துக் கொண்டார். கருடன் குடத்தைக் காணாமல் அந்தப் புற்றைக் கிளறியபோது சிவபெருமான் அவருக்குக் காட்சியருளிய தலம்.

தேவாரப் பாடல் பெற்ற சிவத்தலம். திருமால், பிரமன், இந்திரன், ஐராவதம், சூரியன், சந்திரன், அகத்தியர் ஆகியோர் வழிபட்ட தலம். குங்குலியக்கலிய நாயனார் வழிபட்ட தலம்.

தேவாரப் பாடல் பெற்ற சிவத்தலம். காசிக்கு ஒப்பான ஆறு தலங்களுள் ஒன்று. திருவெண்காடு, மயிலாடுதுறை, திருவையாறு, ஸ்ரீவாஞ்சியம், திருச்சாய்க்காடு ஆகியவை மற்றத் தலங்கள். இத்தலம் ‘மத்திய அர்ஜுனம்’ என்றும் ‘இடைமருது’ என்றும் வழங்கப்படுகிறது. அர்ஜுனம் என்பது மருத மரத்தின் மற்றொரு பெயர். வடக்கே ஸ்ரீசைலம் ‘தலைமருது’ என்றும், இத்தலம் ‘இடைமருது’ என்றும், திருநெல்வேலி மாவட்டம் அம்பாசமுத்திரம் அருகிலுள்ள திருப்புடைமருதூர் ‘கடைமருது’ என்றும் வழங்கப்படுகிறது.

இத்தலத்தில் சரபேஸ்வரர் வழிபாடு சிறப்பு வாய்ந்தது.

தேவாரப் பாடல் பெற்ற சிவத்தலம். நவக்கிரகத் தலங்களுள் ராகுவுக்கு உரிய தலமாக வணங்கப்படுகிறது. இத்தலத்தில் உள்ள ராகு பகவான் சிலைக்கு ராகு காலத்தின்போது நடைபெறும் பாலாபிஷேகத்தில் பால் நீல நிறமாக மாறுகிறது. ஆதிசேஷன் பூசை செய்த தலம்.

தேவாரப் பாடல் பெற்ற சிவத்தலம். ஒரு பிரளய காலத்தில் அமிர்த கும்பம் மிதந்து வந்தபோது இந்தத் தலத்தில் சிவபெருமான் கிராத வடிவங்கொண்டு அதனை மூழ்காமல் அருளினார். இத்தலம் சக்தி பீடங்களுள் ஒன்று. பன்னிரண்டு ஆண்டுகளுக்கு ஒருமுறை நடைபெறும் மகாமக திருவிழா சிறப்பானது. இத்தலத்தை மையமாக வைத்து ஆண்டுதோறும் சப்தஸ்தானத் திருவிழா நடத்தப்பட்டு வருகிறது. கலயநல்லூர், தாராசுரம், திருவலஞ்சுழி, சுவாமிமலை, கொட்டையூர், மேலக்காவிரி ஆகியவை மற்ற ஆறு தலங்களாகும்.

தேவாரப் பாடல் பெற்ற சிவத்தலம். திருமால் வெள்ளைப் பன்றி வடிவம் கொண்டு சிவபெருமானை பூசித்த தலம். பிரமன் இத்தலத்து இறைவனைப் பூசித்து உலகங்களைப் படைக்கும் ஆற்றலைப் பெற்றான்.

தேவாரப் பாடல் பெற்ற சிவத்தலம். இத்தலத்தில் சிவபெருமான் ஆமணக்குச் செடியின்கீழ்த் தோன்றியதால் கொட்டையூர் என்று பெயர் பெற்றது. ஏரண்ட முனிவருக்கு இறைவன் கோடிலிங்கமாகக் காட்சி அளித்த தலம்.

முருகப்பெருமானின் ஆறுபடை வீடுகளில் நான்காவதாகக் குறிப்பிடப்படுகிறது. இத்தலம் ‘திருவேரகம்’ என்றும் அழைக்கப்படுகிறது. முருகப்பெருமான் தம் தந்தையான சிவபெருமானுக்கே குருவாக இருந்து பிரணவ மந்திரத்தின் பொருள் கூறி விளக்கியதால் இத்தலம் சுவாமிமலை என்று அழைக்கப்படுகிறது. இத்தலத்தில் முருகப்பெருமான் தன் வேலாயுதத்தால் தோற்றுவித்த தீர்த்தம் உள்ளது. இது வஜ்ஜிர தீர்த்தம் என்று அழைக்கப்படுகிறது. இந்த நன்னீராலேயே சுவாமிநாதனுக்கு அபிஷேகம் செய்கின்றனர்.

மூலவரைத் தரிசிக்க 60 படிகளைத் தாண்டிச் செல்ல வேண்டும். இந்தப் படிகள் அறுபது தமிழ் ஆண்டுகளைக் குறிக்கும். இங்கு முருகப்பெருமான் தமது வலக்கரத்தில் திருத்தண்டம் தாங்கி இடது கரத்தை இடுப்பில் அமர்த்தி சிரசில் ஊர்த்துவ சிகமுடியும், திருமார்பில் முப்புரிநூலும், உருத்திராட்சமும் அணிந்து குருநாதனாகக் காட்சி அளிக்கிறார்.

தேவாரப் பாடல் பெற்ற சிவத்தலம். இத்தலத்தில் இந்திரனால் பிரதிஷ்டை செய்யப்பட்ட கடல்நுரையினால் ஆன வெள்ளைப் பிள்ளையார் சிறப்பு வாய்ந்தவர். இவருக்கு அபிஷேகம் கிடையாது. பச்சைக் கற்பூரம் மட்டும் சாத்தப்படுகிறது. திருவிடைமருதூருக்கு உரிய பரிவாரத் தலங்களுள் இத்தலம் விநாயகருக்கு உரிய தலம். ஒரு காலத்தில் பூமிக்குள் புகுந்து சென்ற காவிரி நதியை மேலே வருமாறு செய்வதற்கு காவிரி உள்ளே செல்லும் பாதாளத்தில் ஏரண்ட முனிவர் இறங்கினார். உடனே பாதாளம் மூடி காவிரி மீண்டும் மேலெழுந்து வலமாக சென்றதால் இத்தலம் ‘திருவலஞ்சுழி’ என்று பெயர் பெற்றது.

தேவாரப் பாடல் பெற்ற சிவத்தலம். இறைவனை அம்பிகை வழிபட்டு தழுவி முத்தமிட்ட தலம். அதனால் சத்திமுத்தம் என்று அழைக்கப்பட்டது. இத்திருக்கோலத்தை இன்றும் இத்தலத்தில் தரிசிக்கலாம். தமக்கு திருவடி தீட்சை அளிக்க வேண்டும் என்று அப்பர் பெருமான் வேண்ட, அவரை திருநல்லூர் தலத்திற்கு வருமாறு இறைவன் அருளிய தலம். அத்தலத்தில் அப்பருக்கு திருவடி தீட்சை கிடைத்தது.

தேவாரப் பாடல் பெற்ற சிவத்தலம். இத்தலம் பழையாறை வடதளி என்றும் அழைக்கப்படும். வடதளி என்றால் ஆலமரத்தின் கீழுள்ள கோயில் எனப்படும். பழையாறை சோழர்களின் பழைய தலைநகரங்களில் ஒன்று. சமணர்கள் கோயிலாக மாற்றப்பட்ட சிவன் கோயிலை உண்ணாவிரதம் இருந்து திருநாவுக்கரசர் மீண்டும் வெளிப்படுத்திய தலம்.

தேவாரப் பாடல் பெற்ற சிவத்தலம். வாலி வழிபட்டத் தலம்.

தேவாரப் பாடல் பெற்ற சிவத்தலம். மகாவிஷ்ணு இத்தலத்தில் சிவபெருமானை வழிபட்டு சக்ராயுதம் பெற்றார். அதனால் ‘சக்கரப்பள்ளி’ என்று பெயர் பெற்றது.

தேவாரப் பாடல் பெற்ற சிவத்தலம். புலிக்கால் முனிவரான வியாக்ரபாதர் வழிபட்ட தலம். ஐந்து புலியூர் தலங்களுள் ஒன்று.

தேவாரப் பாடல் பெற்ற சிவத்தலம். சப்தஸ்தானத் தலங்களுள் ஒன்று. திருநாவுக்கரசருக்கு சிவபெருமான் கயிலாயக் காட்சி அளித்த தலம். திருவையாற்றுக்கு அருகில் உள்ள அந்தணக்குறிச்சி என்ற கிராமத்தில் பங்குனி மாதம் திருவாதிரை நட்சத்திரத்தில் நந்திதேவர் அவதரித்தார். சிவபெருமான் அவரை வரவழைத்து அபிஷேகம் செய்வித்து ‘அதிகாரநந்தி’ என்று பட்டம் சூட்டி அவரிடம் காவல் பொறுப்பை ஒப்படைத்தார். சித்திரை மாதம் புனர்பூச நட்சத்திரத்தன்று திருமழபாடியில் நந்திதேவருக்குத் திருமணம் செய்து வைத்தார். இதையொட்டியே சப்தஸ்தானத் திருவிழா நடைபெறுகிறது. இறைவன் உமாதேவியாருடனும், நந்திகேஸ்வரர் அவரது துணைவியாருடனும் திருப்பழனம், திருச்சோற்றுத்துறை, திருவேதிக்குடி, திருக்கண்டியூர், திருப்பூந்துருத்தி, திருநெய்த்தானம் ஆகிய ஆறு தலங்களுக்கும் சென்று வருவர்.

தேவாரப் பாடல் பெற்ற சிவத்தலம். சப்தஸ்தானத் தலங்களுள் ஒன்று. இத்தலம் காவிரி நதிக்கும், குடமுருட்டிக்கும் இடையில் உள்ளதால் துருத்தி எனப்பட்டது. அப்பர் இங்கு திருமடம் அமைத்து உழவாரத் தொண்டு செய்தார். திருஞானசம்பந்தருக்காக நந்தி விலகிய தலம். திருஞானசம்பந்தர் வந்த பல்லக்கை அவர் அறியாவண்ணம் திருநாவுக்கரசர் தாங்கிய தலம்.

தேவாரப் பாடல் பெற்ற சிவத்தலம். சப்தஸ்தானத் தலங்களுள் ஒன்று. சரஸ்வதி, காமதேனு, கௌதம முனிவர் ஆகியோர் வழிபட்ட தலம்.

தேவாரப் பாடல் பெற்ற சிவத்தலம். சிவபெருமானை வேண்டி அம்பிகை தவம் செய்த தலம். தனது தாயைக் கொன்ற பழிதீர பரசுராமர் வந்து வழிபட்ட தலம். கஜமுகாசுரனை அழித்துவிட்டு விநாயகர் ஆனந்த நடனம் ஆடிய தலம்.

தேவாரப் பாடல் பெற்ற சிவத்தலம். அகத்தியர் வழிபட்ட தலம்.

மலைக்கோட்டையில் உச்சிப்பிள்ளையார் கோயிலுக்கு செல்லும் வழியில் தாயுமான சுவாமி என்னும் பெயருடன் சிவபெருமான் விளங்குகின்றார். தேவாரப் பாடல் பெற்ற தலமாகும். முருகப்பெருமான் இத்தலத்தில் காட்சி அளிக்கின்றார்.

பஞ்சபூதத் தலங்களுள் அப்பு (நீர்) தலமாகும். சிவபெருமான் நீரின் நடுவே ஜம்புகேஸ்வரர் என்ற பெயருடன் காட்சி தருகின்றார். உமாதேவியார் அகிலாண்டேஸ்வரி என்ற பெயருடன் காட்சி தருகின்றார். தேவாரப் பாடல் பெற்ற சிவத்தலம்.

முருகப்பெருமான் வள்ளி தெய்வானையுடன் காட்சி தருகின்றார். மூவராலும் தேவாரப் பாடல் பெற்ற சிவத்தலம் ஆகும்.

இத்தலத்தில் பாலசுப்ரமண்யர் நின்ற கோலத்தில் ஒருமுகம் நான்கு கரங்களுடன் உள்ளார். கோயில் சிதிலமடைந்த நிலையில் உள்ளது.

இத்தலம் குமார வயலூர் என்றும் அழைக்கப்படுகிறது. கோயிலுக்கு முன்பாக குமாரத் தீர்த்தம் உள்ளது. தலவிருட்சம் வன்னி மரம். முருகப்பெருமான் வள்ளி தெய்வானையுடன் கிழக்கு நோக்கி காட்சி அளிக்கிறார். திருவண்ணாமலையில் அருணகிரிப் பெருமானை தடுத்தாட்கொண்ட முருகப்பெருமான் அவரை வயலூருக்கு வரும்படி பணித்தார். முருகப்பெருமான் தனது வேலினால் உண்டாக்கிய ‘சக்தி தீர்த்தம்’ என்னும் திருக்குளத்தில் நீராடி கோயிலில் சென்று பொய்யாக்கணபதி முன் ‘கைத்தல நிறைகனி’ என்ற பாடலைப் பாடினார். திருமுருக கிருபானந்த வாரியார் சுவாமிகளும் இத்தலத்து முருகனால் ஆட்கொள்ளப்பட்டார்.

தேவாரப் பாடல் பெற்ற சிவத்தலம். சூரியன், சந்திரன், கன்வ மகரிஷி ஆகியோர் பூசித்த தலம்.

தேவாரப் பாடல் பெற்ற சிவத்தலம். இந்திரன், குபேரன் ஆகியோர் வழிபட்ட தலம்.

முருகப்பெருமான் ஆறு திருமுகங்களும் பன்னிரு திருக்கரங்களுடனும் கிழக்கு முகமாகக் காட்சி அளிக்கிறார்.

தவமுனிவர்கள் விரவி அமர்ந்திருந்த காரணத்தால் விரவி மலை என்பது மருவி விராலி மலை என மாறியது. 177 படிகள் உள்ளது. அர்த்த ஜாம பூஜையின்போது நைவேத்தியத்துடன் சுருட்டும் வைத்துப் படைக்கப்படுகிறது.

மாணிக்கவாசகரால் திருவாசகம் பாடப்பெற்றத் தலம்.

தேவாரப் பாடல் பெற்ற சிவத்தலம். தேவாரப் பாடல் பெற்ற பாண்டி நாட்டுத் தலங்கள் பதினான்கும் இத்தலத்தில் இருப்பதாக ஐதீகம். எனவே, இக்கோயிலுக்குள் 14 சிவலிங்கங்கள் உள்ளன. லிங்கமும், நந்தியும் பெரிய உருவமாக உள்ளனர். நான்கு வேதங்களும் பூசித்த தலம்.

தேவாரப் பாடல் பெற்ற சிவத்தலம். தேவர்களுக்கு சிவபெருமான் கடம்ப மரத்தில் காட்சி தந்த தலம். முருகப்பெருமான் பூசித்த தலம். சப்த கன்னியர்கள் பூசித்து அவர்களின் பிரம்மஹத்தி தோஷம் நீங்கிய தலம். ஆதிசேஷன் பூசை செய்த தலம். கார்த்திகை மாத சோம வாரங்களில் ஒரே நாளில் காலையில் திருக்கடம்பந்துறை தலத்தையும், உச்சிக்கால வேளையில் திருவாட்போக்கி (இரத்தினகிரி) தலத்தையும், மாலையில் இத்தலத்தையும் தரிசனம் செய்வது சிறப்பு.

தேவாரப் பாடல் பெற்ற இத்தலத்தில் சிவபெருமான் சன்னதிக்கு அருகில் முருகப்பெருமான் காட்சி தருகின்றார்.

தேவாரப் பாடல் பெற்ற சிவத்தலம். காமதேனு பூசை செய்ததால் இத்தலம் ‘ஆனிலை’ என்று அழைக்கப்படுகிறது. எறிபத்த நாயனார் பிறந்த தலம். புகழ்ச்சோழ நாயனார் ஆண்ட தலம். திருவிசைப்பா பாடிய கருவூர்த்தேவர் பிறந்து முக்தியடைந்த தலம்.

தற்போது ஆறுநாட்டான்மலை என்று வழங்கப்படுகிறது. மலை மீது செல்ல 280 படிகள் உள்ளது. முருகப்பெருமான் நின்ற கோலத்தில் கிழக்குத் திசை நோக்கி காட்சி அளிக்கிறார்.

தேவாரப் பாடல் பெற்ற சிவத்தலம். சிவபெருமான் வயதான அந்தணராக வந்து சுந்தரருக்கு பொன் தந்த தலம். இந்தத் தலத்தில் இரண்டு ஆறுகள் கூடுவதாலும், வெஞ்சன் என்ற அசுரன் பூசித்ததாலும் வெஞ்சமாக்கூடல் என்று பெயர் பெற்றது. கோயில் முன்பு சற்றுப் பள்ளத்தில் இருந்தது. 1977 ஆம் ஆண்டு ஏற்பட்டப் புயலில் சிக்கி சிதிலமடைந்துவிட்டதால் இக்கோயில் தற்போதுள்ள நிலையில் புதியதாக கட்டப்பட்டது.

இம்மலை பெரியதாகவும் செங்குத்தாகவும், சிவந்த நிறத்திலும் உள்ளதால் செங்கோடு என்று பெயர் பெற்றது. மலை உச்சியை அடைய 1200 படிகள் உள்ளது. மலையின் மீது ஆகாச கங்கை என்ற சுனை உள்ளது.

தேவாரப் பாடல் பெற்ற இத்தலத்தில் சிவபெருமான் அர்த்தநாரிஸ்வரனாக காட்சியளிக்கிறார். முருகப்பெருமான் பாலமுருகனாக கையில் வேலேந்தி கிழக்கு முகமாகக் காட்சித் தருகிறார்.

இங்;கு முருகப்பெருமான் வலது கரத்தில் படைக்கலமும், இடது கரத்தில் உருமுத்திரையும் சேவல் கொடியுடனும் காட்சியளிக்கிறார்

இத்திருக்கோயிலில் சிவபெருமான் அறப்பளீஸ்வரர் என்ற பெயருடனும், உமாதேவியார் தாயம்மாள் என்ற பெயருடனும் காட்சி தருகின்றனர். தேவார வைப்பு திருத்தலம்.

மலையடிவாரத்திலும், மலைமீதும் ஆலயங்கள் இருக்கின்றன. மலையில் ராமர் தீர்த்தம் என்ற நீர்வீழ்ச்சி உள்ளது. மலைமீது முருகப்பெருமான் பக்தர்களுக்குக் காட்சி தருகின்றார்.

முருகப்பெருமான் தண்டாயுதபாணி கோலத்தில் சென்னிநாதர் என்ற பெயருடன் காட்சி அளிக்கிறார். இம்மலை மீது செல்ல ஆயிரத்துக்கும் மேற்பட்ட படிக்கட்டுகள் உள்ளது. வள்ளி தெய்வானை சன்னதிகள் தனியே உள்ளன. இங்கு அகத்திய முனிவர் வழிபட்ட சுயம்பு லிங்கம் உள்ளது.

தேவாரப் பாடல் பெற்ற சிவத்தலம். மகாவிஷ்ணுவும், பிரமனும் வழிபட்ட தலம். இருவருக்கும் தனித்தனி சன்னதிகள் உள்ளது. இதனால் இத்தலம் திரிமூர்த்தித் தலம் என்றும் வழங்கப்படுகிறது. சுந்தரர் நமச்சிவாயப் பதிகம் பாடிய தலம். அகத்தியர் பிரதிஷ்டை செய்து பூசித்த சிவலிங்கம் கோயிலில் உள்ள வன்னி மரத்திற்கு அருகில் உள்ளது.

முருகப்பெருமான் வள்ளி நாயகியுடன் சிவாசலபதி என்ற பெயருடன் காட்சி தருகின்றார். இச்சந்நிதியின் இடப்பாகத்தில் வள்ளியும், தெய்வானையும் உள்ள சந்நிதி உள்ளது. சிவன் மலை சிறிய குன்று. மலையில் ஏறுவதற்குப் படிக்கட்டுகள் உள்ளன. தல விருட்சம் கொட்டி மரம். பதினெட்டு சித்தர்களில் ஒருவராகிய சிவவாக்கியர் தவம் புரிந்த தலம்.

தற்போது வட்டமலை என்று அழைக்கப்படுகிறது. முருகப்பெருமான் முத்துக்குமரனாக மேற்கு நோக்கி காட்சியளிக்கின்றார். வள்ளி, தெய்வானையுடன் இணைந்து ஒரே சன்னதியில் உள்ளனர்.

முருகப்பெருமான் தண்டாயுதபாணி கோலத்தில் கிழக்கு முகமாக காட்சி தருகிறார். வள்ளி, தெய்வானை ஒரே சன்னதியில் உள்ளனர். மலை மீது செல்ல 158 படிகள் உள்ளன. இம்மலையிலேயே கொங்கண சித்தர் என்பவருக்கும் தனிக்கோயில் உள்ளது.

தேவாரப் பாடல் பெற்ற சிவத்தலம். சுந்தரர் முதலை வாயிலிருந்து சிறுவனை மீட்டுக் கொடுத்த தலம்.

முருகப்பெருமான் முன்பக்கம் ஐந்து திருமுகங்களுடன் பின்புறம் ஒரு திருமுகத்துடன் பன்னிரு கரங்கள் கொண்டு வள்ளி தெய்வானை சமேதராக தென்திசை நோக்கி காட்சி தருகின்றான். முன்னே ஐந்து திருமுகங்களுடனும், பின்னே ஒரு திருமுகத்துடனும் காட்சி தருவது வேறு எங்கும் காணப்படாத அற்புதக் காட்சியாகும். புத்தி கோளாறு, செய்வினை போன்ற தீவினைகளால் பீடிக்கப் பெற்றோர் இத்திருக்கோயிலில் தங்கி நலம் பெற்றுச் செல்கின்றனர். இந்நடைமுறை திருச்சி மாவட்டத்திலுள்ள குணசீலம் பெருமாள் கோயிலிலும், தஞ்சாவூர் மாவட்டத்திலுள்ள திருவிடைமருதூர் கோயிலிலும் மட்டுமே உள்ளது.

முருகப்பெருமான் ஆறுமுகங்களுடனும், பன்னிரு கரங்களுடனும் வள்ளி, தெய்வானையுடன் மயில் மீது அமர்ந்து கிழக்கு நோக்கி காட்சி தருகின்றான். சிறிய குன்றின் மேல் கோயில் உள்ளது. தல விருட்சம் கருநொச்சி மரம். தைப்பூசத் தேர்த்திருவிழாவும், கந்தர் சஷ்டி விழாவும் இங்கு சிறப்பாகக் கொண்டாடப்படுகிறது.

முருகப்பெருமானின் ஆறுபடை வீடுகளில் மூன்றாவதாகக் குறிப்பிடப்படுகிறது. மலை மீது எழுந்தருளியிருப்பது பழனி ஆண்டவர். திருவாவினன்குடி பழநி மலையின் அடிவாரத்தில் அமைந்துள்ளது. ஆனால் இரண்டையும் சேர்த்து பழநி என்றே மக்கள் வழிபட்டு வருகின்றனர். மலை அடிவாரத்தின் வடகிழக்கில் முருகப் பெருமானால் தோற்றுவிக்கப்பட்ட சரவணப் பொய்கை என்ற தீர்த்தம் உள்ளது. இம்மலை சுமார் 450 அடி (135 மீ) உயரமுடையது. 769 படிகள் உள்ளது.

இத்தலத்தில் முருகப்பெருமான் கோவணம் மட்டும் தரித்து தண்டாயுதபாணி சுவாமியாய் ஒரு கரத்தை இடுப்பில் ஊன்றியும் மற்றெhரு கரத்தில் திருத்தண்டினைத் தாங்கியும் மேற்கு நோக்கி நின்று காட்சியளிக்கின்றhர். இந்த சிலை நவ பாஷாணம் என்னும் 9 வகையான இயற்கை மூலிகைகளைக் கொண்டு போகர் என்னும் சித்தரால் உருவாக்கப்பட்டது.

தமிழ்நாட்டில் முதல் தங்கரதம் இந்த கோயிலில் தான் உருவாக்கப்பட்டது. பங்குனி உத்திரப் பெருவிழா, தைப்பூசம் போன்ற விழாக்கள் சிறப்பாகக் கொண்டாடப்படுகிறது.

“வராககிரி” என்று அழைக்கப்படும் இந்த மலை மீது முருகப்பெருமான் அருள்பாலிக்கின்றார்.

தேவாரப் பாடல் பெற்ற சிவத்தலம். சிவபெருமானின் ஐந்து நடன சபைகளுள் ஒன்றhகிய வெள்ளியம்பல சபை உள்ள தலம். வரகுண பாண்டியனுக்காக இறைவன் கால் மாறி ஆடிய தலம். சிவபெருமான் 64 திருவிளையாடல்களைச் செய்தருளிய தலம். மூர்த்தி நாயனார் விபூதி, ருத்திராட்சம், சடைமுடி ஆகிய மூன்றையும் தரித்து ஆட்சி செய்த தலம். அரிமர்த்தன பாண்டியனின் சபையில் மாணிக்கவாசகர் மந்திரியாக இருந்த தலம். கூன் பாண்டியனின் சபையில் குலச்சிறை நாயனார் மந்திரியாக இருந்த தலம்.

சம்பந்தர் சமண சமயத்தைத் தழுவிய கூன் பாண்டியனின் சுரநோயை ஞமந்திரமாவது நீறுஞ என்ற திருநீற்றுப் பதிகம் பாடி தீர்த்தருளியும், அவனுடைய கூனை நீக்கி சைவ ஒளியயைப் பரப்பிய தலம். திருநள்ளாற்றில் பாடிய “போகமார்த்த பூண்முலையாள்” என்ற பதிகம் எழுதியிருந்த ஏட்டைத் தீலியிட்டு அதை எரியாமல் எடுத்தும், “வாழ்க அந்தணர்” என்ற பாடலை எழுதிய ஏட்டை வைகையாற்றில் இட்டு நீரை எதிர்த்துச் செல்லும்படி செய்து சம்பந்தர் சமணர்களை வென்ற தலம்.

இத்தலத்தில் முதலில் அன்னை மீனாட்சியை தரிசித்து விட்டுத்தான் இறைவனை தரிசிக்க வேண்டும். இங்குள்ள பொற்றாமரைக் குளம் சிறப்பு வாய்ந்தது. சங்கப்புலவர்கள் திருவள்ளுவர் இயற்றிய திருக்குறள் சுவடியை இக்குளத்தில் போட, அந்தச் சுவடி சங்கப்பலகையில் மிதந்து வந்ததாக வரலாறு. திருமுருகாற்றுப்படையைப் பாடிய நக்கீரர் வாழ்ந்த தலம்.

முருகப்பெருமானின் ஆறுபடை வீடுகளில் முதலாவதாகக் குறிப்பிடப்படுகிறது. இந்த மலை 1050 அடி உயரம் கொண்டது. மலை அடிவாரத்தில் இத்தலம் அமைந்துள்ளது. 49 படிகள் உள்ளது.

தேவாரப் பாடல் பெற்ற சிவத்தலம். இங்கு ஆறுமுகப்பெருமான் இடது காலை மடித்து வலது காலை தொங்கவிட்டு வீற்றிருக்க இடதுபுறம் தெய்வானையும், வலதுபுறம் நாரதரும் அமர்ந்துள்ளவாறு காட்சி தருகின்றார்.

இத்தலத்தில்தான் முருகப்பெருமான் தேவேந்திரனின் விருப்பத்திற்கிணங்க தெய்வானையை பங்குனி உத்திர நன்னாளில் திருமணம் செய்து அருளினார். இந்த வைபவம் இங்கு சிறப்பாகக் கொண்டாடப்படுகிறது.

மலையின் உச்சியில் இரு பாறைகளுக்கு இடையில் சிக்கந்தர் பாஷா என்ற முகம்மதிய பெரியவரின் சமாதியும் மண்டபமும் உள்ளது.

முருகப்பெருமானின் ஆறுபடை வீடுகளில் ஆறாவதாகக் குறிப்பிடப்படுகிறது. மலையின் அடிவாரத்தில் புகழ்பெற்ற கள்ளழகர் கோயில் அமைந்துள்ளது. அழகர் கோயிலுக்கு முன்னே அமைந்துள்ள கருப்பண்ண சுவாமி சன்னதி பிரசித்தி பெற்றது. ஆடி 18ம் தேதி மட்டும் திறந்திருக்கும். மலையில் முருகப்பெருமான் எழுந்தருளி உள்ளார். அடிவாரத்தில் இருந்து 3 கி.மீ. தொலைவில் இத்தலம் உள்ளது. அவ்வை மூதாட்டிக்கு நாவற் பழங்களை உதிர்த்துக் கொடுத்து அதன் மூலம் ஞானத் தத்துவத்தை உணர்த்திய தலம். மலையில் மேல் “நூபுர கங்கை” என்னும் தீர்த்தம் உள்ளது.

இத்தலத்தில் முருகப்பெருமான் அருணகிரிநாதருக்கு திருநடனக் காட்சி தந்து அருளினார். தேவாரப் பாடல் பெற்ற திருத்தலம்.

முருகப்பெருமான் ஆறுமுகங்களுடன் மயில் மீது அமர்ந்து கிழக்கு நோக்கி காட்சி அளிக்கிறார். வள்ளியும், தெய்வானையும் இருபுறங்களிலும் தனித்தனியே மயில் மீதமர்ந்து காட்சி தருகின்றனர். மலைஅடிவாரத்தில் ஒரு கோயில் உள்ளது. அது கீழ்க்கோயில் என்று அழைக்கப்படுகிறது. மலைமீது இருப்பது மலைக்கோயில் எனப்படுகிறது. 144 படிகள் உள்ளது. இங்கு மலையைக் குடைந்து உருவாக்கப்பட்ட ஐந்து சிவலிங்கங்கள் உள்ளன. இத்திருக்கோயிலில் பங்குனி உத்திர விழா சிறப்பாகக் கொண்டாடப்படுகிறது.

தேவாரப் பாடல் பெற்ற சிவத்தலம். இத்தலத்தில் உள்ள பைரவர் யோகாசன நிலையில் உள்ளார். அர்த்த சாம பூசையில் பைரவருக்குத் தினமும் புனுகு சாத்தி சம்பா நைவேத்தியம், வடைமாலை நைவேத்தியம் ஆகியவை படைக்கப்படுகிறது. அர்த்த சாம பூசைக்கு மணியடித்து விட்டால் அதன்பிறகு பைரவர் சன்னதிக்கு அர்ச்சகர், பரிசாரகர், நைவேத்தியம் கொண்டு செல்பவர் ஆகிய மூன்று பேர் மட்டுமே செல்ல முடியும். மற்றவர்கள் செல்லக் கூடாது. நவக்கிரகங்கள் அமர்ந்த நிலையில் உள்ள தலம்.

உலகின் முதல் கோயில் என்று சொல்லப்படுகிறது. குடவரைக் கோயிலான இத்தலத்தில் விநாயகப் பெருமான் இரு கரங்களுடன் காட்சி தருகின்றார். சுற்றி வரும் பிரகாரத்தில் முருகப்பெருமான் காட்சி தருகின்றார்.

தேவாரப் பாடல் பெற்ற சிவத்தலம். சூரியன் நீலரத்தினத்தால் சிவலிங்கம் செய்து வழிபட்ட தலம். துர்வாச முனிவரின் சாபத்தால் ஆட்டுத்தலையும், யானையின் உடலும் பெற்ற ஒரு முனிவர் இத்தலத்தில் சிவபெருமானை வணங்கி சாபம் நீங்கப் பெற்ற தலம். இதனால் இத்தலம் ‘ஆடானை’ என்று அழைக்கப்படுகிறது.

மாணிக்கவாசகரால் திருவாசகம் பாடப்பெற்றத் தலம். இத்தலத்தில் பச்சை மரகத நடராஜர் சிலை உள்ளது. வருடம் முழுவதும் சந்தனத்தால் காப்பு செய்யப்பட்டிருக்கும். மார்கழி மாதம் திருவாதிரை தினத்தன்றும், ஆனி மாதம் உத்தரத்தன்றும் சிலையின் சந்தனக் காப்பு அகற்றப்பட்டு இறைவன் காட்சி தருகிறார்.

தேவாரப் பாடல் பெற்ற சிவத்தலம். பன்னிரண்டு ஜோதிர்லிங்கத் தலங்களுள் ஒன்று. இராவணனைக் கொன்ற பாவம் நீங்க இராமன் சிவபூசை செய்வதற்கு கயிலாயத்திலிருந்து சிவலிங்கம் ஒன்றைக் கொண்டுவர அனுமனைப் பணித்தார். அனுமான் வரத் தாமதம் ஆனதால் குறித்த நேரத்தில் பூசை செய்வதற்காகச் சீதை மணலால் உருவாக்கிய லிங்கத்தை வைத்து இராமன் வழிபட்டார். பின்னர் அனுமான் கொண்டு வந்த லிங்கமும் இத்தலத்தில் பிரதிஷ்டை செய்யப்பட்டது. அம்பாள் சன்னதியில் ஸ்ரீசக்கரம் உள்ளது.

காசி யாத்திரை செல்பவர்கள் அங்கிருந்து கங்கா தீர்த்தம் கொண்டு வந்து இத்தலத்தில் உள்ள இராமநாதேஸ்வரருக்கு அபிஷேகம் செய்துதான் காசி யாத்திரையை முடிப்பார்கள். இத்தலத்தில் 36 தீர்த்தங்கள் உள்ளது. முதலில் அக்னி தீர்த்தம் எனப்படும் கோயிலுக்கு எதிரில் உள்ள கடலில் நீராடி பின்னர் இந்த 36 தீர்த்தங்களில் நீராடி இறைவனை தரிசிக்க வேண்டும். இத்தலத்தில் உள்ள சேதுமாதவர் சன்னதி சிறப்பு வாய்ந்தது.

இக்கோயிலின் வெளிப்பிரகாரச்சுற்று புகழ் பெற்றது. பிரகாரங்களின் மொத்த நீளம் 3850 அடி. வெளிப்பிரகாரத்தில் 1200 தூண்கள் உள்ளது. அழகிய சிற்ப வேலைப்பாடுகள் நிறைந்தது.

இது ஒரு குகைக்கோயில். மலை கழுகு போன்ற வடிவம் கொண்டிருப்பதாலும், எப்போதும் கழுகுகள் இம்மலையைச் சுற்றிக் கொண்டிருப்பதாலும் இப்பெயர் ஏற்பட்டது. முருகப்பெருமான் ஒரு திருமுகத்துடன், ஆறுத் திருக்கரங்களுடன் மயில் மீது அமர்ந்து கழுகாசல மூர்த்தி என்ற பெயருடன் காட்சி தருகிறார். வள்ளி, தெய்வானையர்கள் தனித்தனி சன்னதிகளில் காட்சி தருகின்றனர்.

முருகப்பெருமானின் ஆறுபடை வீடுகளில் இரண்டாவதாகக் குறிப்பிடப்படுகிறது. முருகப்பெருமான் சூரபத்மனையும் அவனைச் சார்ந்த அசுரர்களையும் வதம் செய்த இடம். இத்தலத்திற்கு திருச்சீரலைவாய் என்ற பெயரும் உண்டு. சூரபத்மனின் வதத்திற்குப் பிறகு சிவபூஜை செய்து வழிபட அபிஷேகத்திற்காக தன் வேலினால் “கந்த புஷ்கரணி” என்ற தீர்த்தத்தை தோற்றுவித்த இடம் சற்று தொலைவில் உள்ளது. அந்த இடம் தற்போது “நாழிக்கிணறு” என்று அழைக்கப்படுகிறது. திருக்கோயிலுக்கு செல்வதற்கு முன் கடலிலும், பின்னர் இந்தக் கிணற்றிலும் நீராட வேண்டும்.

இங்கு முருகப்பெருமான் தமது நான்கு திருக்கரங்களில் அபயம், வரதம், பூ, ஜெபமாலை தாங்கி கிழக்கு நோக்கி காட்சியளிக்கிறார். அவருக்குப் பின்னே பஞ்சலிங்கம் உள்ளது. அந்த லிங்கங்களை வழிபடுவதற்காகவே முருகப்பெருமான் கரத்தில் மலர் இருப்பதாகக் கூறுவர். இத்திருக்கோயிலில் விபூதிப் பிரசாதம் கையில் கொடுப்பதில்லை. பன்னீர் இலையில் தருகிறார்கள்.

குமரகுருபரர் ஐந்து வயது வரையில் ஊமையாகப் இருந்தவர். அவருடைய பெற்றேhர்கள் குழந்தையை இத்தலத்திற்குக் கொண்டு வந்து கிடத்தி தவமிருந்தனர். ஒருநாள் இரவில் முருகப்பெருமான் தோன்றி குழந்தையின் நாவில் வேலினால் எழுதி பேச வைத்தார். பேசத் தொடங்கிய குமரகுருபரர் முருகன் மீது “கந்தர் கலி வெண்பா” என்னும் பாடலை பாடினார். ஆதிசங்கரர் தம் நோய் நீங்க இங்கு “சுப்பிரமணிய புஜங்கம்” பாடினார்.

இங்கு வைகாசி விசாகம், கந்தர் சஷ்டி போன்ற விழாக்கள் சிறப்பாகக் கொண்டாடப்படுகிறது.

இலஞ்சி என்றால் மகிழமரம். முருகப்பெருமான் இங்கு மகிழ மரத்தின்கீழ் உள்ளார். தலவிருட்சம் மகிழ மரம். இத்தலம் மலைப்பகுதியில் அமைந்துள்ளது.

இத்தலத்தில் ஒரு சன்னதியில் மூலவர் வள்ளி தெய்வானையுடன் வரதராஜ குமாரன் என்ற பெயருடன் காட்சியளிக்கிறார். மற்றெhரு சன்னதியில் சிவபெருமான் இருவாலுக நாயகர் என்ற பெயருடனும், உமாதேவியார் மதுரவாணி (குழல்வாய்மொழி) என்ற பெயருடன் காட்சியளிக்கிறhர்கள்.

இத்தலத்தில் வைகாசி விசாகம், ஆடிக்கிருத்திகை, கந்தர் சஷ்டி மற்றும் மாசிப் பெருவிழா ஆகியவை சிறப்பாகக் கொண்டாடப்படுகின்றன.

தேவாரப் பாடல் பெற்ற சிவத்தலம். சிவபெருமானின் ஐந்து சபைகளுள் ஒன்றhன சித்திர சபை உள்ள தலம். இத்தலத்தில் விஷ்ணு வடிவமாக இருந்த மூர்த்தியை அகத்திய முனிவர் சிவலிங்கமாக மாற்றிய தலம். இத்தலத்திற்கு அருகில் குற்றால நீர்வீழ்ச்சி உள்ளது.

இது ஒரு குகைக்கோயில். மலையடிவாரத்தில் முருகப்பெருமான் வள்ளி தெய்வானையுடன் கிழக்கு நோக்கி காட்சி தருகின்றார்.

இந்த தலம் சிறிய மலை மீது உள்ளது. இந்த மலை சுமார் 400 அடிகள் (120 மீ.) உயரம் கொண்டது. முருகப்பெருமான் கிழக்கு நோக்கி காட்சியளிக்கின்றான். தல விருட்சம் புளிய மரம். திருச்செந்தூர் போன்று இத்தலத்திலும் விபூதிப் பிரசாதம் பன்னீர் இலையில் தரப்படுகிறது. இத்தலத்தில் சித்திரை வசந்த விழா, ஐப்பசிப் பெருவிழா மற்றும் கார்த்திகைத் தெப்பத்திருவிழா போன்ற விழாக்கள் கொண்டாடப்படுகின்றது.

ஆந்திர மாநிலத்தில் உள்ள ஸ்ரீசைலம் என்ற தலமே அருணகிரிநாதர் பாடிய திருமலை என்றும் சிலர் கூறுவர்.

ஒருசமயம் முருகப்பெருமான், உமையம்மையுடன் கோபம் கொண்டு கயிலாய மலையிலிருந்து திருவேங்கட மலையில் வந்து தங்கினார் என்று கந்தபுராணம் கூறுகிறது. “திருவேங்கட மாமலை மேவிய பெருமாளே” என்று அருணகிரிநாதர் பாடுகின்றார்.

எனினும், திருப்பதி அடிவாரத்தில் உள்ள கபிலேஸ்வரர் கோயிலில் முருகப்பெருமான் சன்னதி உள்ளது. அவரையே அருணகிரிநாதரின் திருப்புகழைப் பாடி வணங்குவோம்.

பஞ்சபூதத் தலங்களுள் வாயுத்தலமாகும். தேவாரப் பாடல் பெற்றது. கண்ணப்ப நாயனார் வழிபட்ட தலம். சுற்றுப் பிரகாரத்தில் முருகப்பெருமான் அருள்புரிகின்றார்.

கர்ப்பகிரகத்தின் முன் திரையிடப்பட்டு அத்திரையில் வள்ளி, தெய்வானை சமேதராய் முருகப்பெருமான் உருவம் ஓவியமாகத் தீட்டப்பட்டுள்ளது. அந்த திரைச்சீலை இறைவனையே தரிசிக்க வேண்டும். பூஜைகளும் இந்தத் திரைச்சீலைக்குத்தான் நடத்தப்படுகிறது. சனிக்கிழமைத் தவிர மற்ற நாட்களில் பூஜை நடைபெறுகிறது.