- டிசம்பர் 21, 2024
உள்ளடக்கம்
ஆலகால விஷத்தை திரு ஆலவாயன் (சிவன்) உண்ட தருணமே பிரதோஷம். இது மாலை 04:30 மணியிலிருந்து 06:00 மணி வரை உள்ள தருணம். பிரதோஷம் = பிரதானம் + தோஷம். அதாவது பிரதான தோஷங்களை நீக்குவது என்பது பொருள்.
இந்த பிரதோஷம் 20 வகைகளாக பிரிக்கப்படுகின்றன. அவை,
தினமும் காலையும் இரவும் சந்திக்கும் நேரம், அதாவது மாலை 4:30 – 6:00 மணி வரை உள்ள நேரம் தினசரி பிரதோஷ காலமாகும்.
அமாவாசைக்கு பிறகு சுக்லபட்ச வளர்பிறை காலத்தில் வருகின்ற திரியோதசி திதியே பட்சப் பிரதோஷமாகும்.
பவுர்ணமிக்கு பிறகு கிருஷ்ணபட்ச தேய்பிறை காலத்தில் வருகின்ற திரியோதசி திதியே மாதப் பிரதோஷமாகும்.
திரயோதசி திதியில் வரும் நட்சத்திரத்திற்கு உரிய ஈசனை, பிரதோஷ நேரத்தில் வழிபடுவது நட்சத்திர பிரதோஷமாகும்.
திரயோதசி திதியும், சதுர்த்தசி திதியும் சேராமல் திரயோதசி திதி மட்டும் வந்தால் அது பூரண பிரதோஷமாகும்
பிரதோஷ தினத்தன்று துவாதசி திதியும், திரயோதசி திதியும் சேர்ந்து வந்தால் அல்லது திரயோதசி திதியும், சதுர்த்தி திதியும் சேர்ந்து வந்தால் அது திவ்யப் பிரதோஷமாகும்.
பிரதோஷ தினத்தில் சிவ ஆலயத்தில், தீப தானங்கள் அதாவது தீபம் ஏற்றி வழிபட்டால் அது பிரதோஷமாகும்.
வானத்தில் “வ” வடிவில் தெரியும் நட்சத்திர கூட்டங்களே, “சப்தரிஷி மண்டலம்” ஆகும். இது ஐப்பசி, கார்த்திகை, மார்கழி, தை, மாசி, பங்குனி மாதங்களில், வானில் தெளிவாகத் தெரியும். இந்த மாதங்களில் திரயோதசி திதியில், பிரதோஷ வழிபாடு செய்து, சப்தரிஷி மண்டலத்தைத் தரிசிப்பதே் சப்தரிஷி பிரதோஷமாகும்.
ஈசன் விஷம் உண்ட நாள் கார்த்திகை மாதம், சனிக்கிழமை திரயோதசி திதி ஆகும். எனவே சனிக்கிழமையும், திரயோதசி திதியும் சேர்ந்து வருகின்ற பிரதோஷம் “மகா பிரதோஷம்” ஆகும்.
சிவபெருமான் விஷம் அருந்திய தினம் சனிக்கிழமையாகும். அந்தக் கிழமையில் வரும் பிரதோஷம் மிகவும் சிறப்பானதாகும். சித்திரை, வைகாசி, ஐப்பசி, கார்த்திகை ஆகிய மாதங்களில் வளர்பிறையில், சனிக்கிழமையில் திரயோதசி திதியன்று வரும் பிரதோஷம் உத்தம மகா பிரதோஷமாகும்.
வருடத்தில் ஒரு முறை மட்டுமே வரும் மகா பிரதோஷத்தை `ஏகாட்சர பிரதோஷம்’ என்பர்.
வருடத்தில் இரண்டு முறை மகாபிரதோஷம் வந்தால் அதற்கு அர்த்தநாரி பிரதோஷம் என்று பெயர்.
வருடத்துக்கு மூன்று முறை மகாபிரதோஷம் வந்தால் அது திரிகரண பிரதோஷம்.
ஒரு வருடத்தில் நான்கு மகா பிரதோஷம் வந்தால், அது பிரம்மப் பிரதோஷம்.
வருடத்துக்கு ஐந்து முறை மகா பிரதோஷம் வந்தால் அது அட்சரப் பிரதோஷம்..
சனிக்கிழமையும், திரயோதசி திதியும், கிருத்திகை நட்சத்திரமும் சேர்ந்து வரும் பிரதோஷம் கந்தப் பிரதோஷம்.
ஒரு வருடத்தில் ஏழு மகா பிரதோஷம் வந்தால் அது, “சட்ஜ பிரபா பிரதோஷம்”.
ஒரு வருடத்தில் எட்டு மகா பிரதோஷம் வந்தால் அது, அஷ்ட திக் பிரதோஷம்.
ஒரு வருடத்தில் ஒன்பது மகா பிரதோஷம் வந்தால், அது நவக்கிரகப் பிரதோஷம்.
ஒரு வருடத்தில் பத்து மகா பிரதோஷம் வந்தால், அது துத்தப் பிரதோஷம்.
Read also,
