Sugar Nokkal Recipe in Tamil

நொக்கல் என்பது சேவ் செய்து அதனை சக்கரை பாகில் போட்டு எடுப்பது. திருமணங்களில்  பந்தியில் இதனை முக்கியமாக  வைப்பாங்க.

இது என்னுடைய 1100 வது பதிவு !!

தேவையான பொருட்கள்

கடலைமாவு – 1 கப்
அரிசிமாவு – 1/8 கப்
சோடா உப்பு – 1 சிட்டிகை
வெண்ணெய் – 2 டீஸ்பூன்
உப்பு – 1 சிட்டிகை
எண்ணெய் – பொரிக்க
சர்க்கரை – 1 1/2 கப்
நீர் – 1/4 கப்
பால் – 1/8 கப்

Sakkarai Nokkal

செய்முறை

• ஒரு பாத்திரத்தில் கடலைமாவு, அரிசிமாவு, உப்பு, வெண்ணெய், சோடா உப்பு சேர்த்து பிசைந்த பின் நீர் சேர்த்து கெட்டியாக பிசையவும்.

• சேவ் அச்சு அல்லது தேன்குழல் அச்சியில் போட்டு காயும் எண்ணெயில் வெண்ணிறமாக பொரித்தெடுக்கவும்.

• ஒரு பாத்திரத்தில் சக்கரை + நீர் சேர்த்து கொதிக்கவிடவும். சர்க்கரை கரைந்தவுடன் பால் சேர்த்து ஒரு கொதி விட்டு வடிகட்டவும்.

• பின் மீண்டும் அடுப்பில் கொதிக்க விடவும். பாகினை தொட்டால் இரு விரல்களுக்கு இடையே 2 நூலிழை போல வரும்.. அல்லது ஒரு சிறு கிண்ணத்தில் நீர் வைத்து பாகினை ஊற்றினால் கரையாது, அதனை பந்து போல திரட்ட முடியும்; ஆனால் கையால் எடுக்க முடியாது. இதுவே 2 கம்பி பதம்.

• 2 கம்பி பதம் வந்ததும் அடுப்பினை அணைத்து பொரித்த சேவ் சேர்த்து கலக்கவும்.

• நன்றாக கலக்கி கொண்டே இருந்தால் பாகு சேவில் ஒட்டி பூத்தாற்போல இருக்கும்.
• நன்றாக ஆறியதும் காற்று புகாத டப்பாவில் வைத்து பயன்படுத்தவும்.

பின் குறிப்பு

• 2 கம்பிபதம் எடுத்தால் சக்கரை பூத்தாற் போல வரும்.
• பேக்கிங் சோடா அதிகம் சேர்த்தால் எண்ணெயில் பிழியும் போது கரைந்துவிடும்.
• சேவ்வினை பொன்னிறமாக பொரித்தாலும் பாகில் ஒட்டாது.